Сањев и Садана Прасад велат дека ги искористиле своите заштеди за да одгледаат син, да платат за неговата обука за пилоти и раскошна свадба
По шест години брак, двојката немала син, па родителите бараат отштета од 650.000 евра доколку внук не им се роди во следната година. Тие платиле за школувањето на нивниот син и неговата венчавка. За возврат сакаат внук

Таткото на мажот рекол дека ја потрошил целата своја заштеда на образованието на неговиот син, испраќајќи го во САД во 2006 година да се обучи како пилот, што го чинеше 65.000 долари. Кога мажот се вратил во Индија во 2007 година и ја изгубил работата, семејството морало финансиски да го издржува повеќе од две години, пишува Тајмс оф Индија.

Шри Сагар (35) конечно нашол работа како пилот. Родителите велат дека го договориле неговиот брак со Шубанги Синха во 2016 година, надевајќи се дека ќе добијат внук додека тој да се пензионира. Родителите велат дека венчавката ја платиле во хотел со пет ѕвезди, луксузен автомобил вреден 80.000 долари и меден месец.

Синот се уште не планира деца
„Мојот син е во брак шест години, но се уште не планираат дете“, рекол таткото на мажот. „Барем да имавме внук со кој ќе поминуваме време, болката ќе ни стане поподнослива.

Адвокатот на парот, А.К. Сривастава, рече дека парот побарал пари „поради психичко малтретирање“. „Сон на секој родител е да стане баба и дедо. Ова го чекаат со години.