Автомобилска куќа наплаќа по 15 евра за да ги разгледате половните автомобили
Застапништва за автомобили од Хенсштет-Улцбург во Германија наплаќа 15 евра само за разгледување на половен автомобил. Ако сакате тест возење, треба да платите 35 евра. Износот ќе им биде вратен само на оние кои последователно ќе го купат автомобилот. На интернет, клиентите се жалат на нивните постапки во прегледи, пишува списанието Fenix.
Новинар на Билд направи таен тест. Куќата за кола се наоѓа во модерна зграда, напред е уреден двор, се е чисто и уредно. Тој рече дека е заинтересиран за кабриолетот BMW 120i. Сопственикот го поздравил и му ја објаснил историјата на автомобилот. Колата е стара десет години, нема поминато 100.000 километри, има нови гуми и сопирачки, направен е технички преглед и чини 11.900 евра. Припаѓаше на семејство на кое му требаше повеќе простор, нагласи сопственикот на автосалонот.
Кога новинарот праша дали може да влезе во автомобилот, сопственикот рече: „Да, но тоа ќе ве чини. Така пишува на интернет и на таблите до пултот. И ако сте се јавеле однапред, ќе ви го кажевме истото“. Својот став го објаснил со зборовите: „Не сакам да се збогатам, само сакам да губам помалку нерви“.
Неговите возила се во врвна состојба и сите имаат гаранција како и најевтина цена во рок од 200 километри. Не сака луѓето прво да гледаат на се и да кажат дека има сличен автомобил во Минхен, но е поевтин. „Не продавам на секого. Впрочем, парите не се сè“, рече сопственикот.
