Братот смислил начин да и го разубави престојот во болница на тешко болната сестра

Седумгодишен брат смислил начин да и го олесни престојот во болница на тешко болната сестра со Даунов синдром. Еве што дизајнираше! Тајлер Цепкаусас само сака да ја израдува својата помала сестра Емили, дури и ако не може секогаш да биде со неа. Тој има само 7 години, но се грижи за здравјето на Емили откако знае за себе.

Емили има Даунов синдром и дефект поради кој има проблеми со дишењето. Првата операција на срцето ја направила кога имала само 3 месеци.
„Тајлер мораше да порасне многу побрзо од другите деца“, вели Лори, мајката на Тајлер. Првите три години од нејзиниот живот беа живот помеѓу домот и болницата. Тајлер не е непознат за болниците“.

Уште од раѓањето на Емили, Тајлер е нејзин најголем обожавател и застапник. Тие го поминуваат целото време заедно и имаат силна врска. Секогаш велам дека имаат многу посебен однос“, рече Лори. „Без разлика колку е тажна, ако ја види неговата слика или тој дојде да го посети, ништо друго не би било важно“.

Емили досега имала три операции на срцето, а во иднина ја чекаат уште неколку. Проблемот е што таа постојано ќе мора да замени дел од своето срце. Тајлер одлучи да се пријави на конкурсот на Starlight Children Foundation за дизајнирање болнички наметка што ќе ја носат децата во болниците низ Америка.

Тој одлучи да го збогати својот дизајн со различни инспиративни зборови користени во неговото семејство пред операциите на Емили: храброст, љубов, борба, сила. Набрзо Тајлер дознал дека победил. Тој рече: „Сакам да бидам добар. Се надевам дека мојата наметка ќе ги израдува децата како Емили. Тоа беше целата цел на ова“.

Навистина е прекрасен начин да им се даде храброст на децата во болниците да издржат што и да ги чека.