Жена која ослабе 100 килограми ги споделува своите тајни: Овие 5 работи ми помогнаа

Жена која имала 160 килограми на 28 години ги споделила своите тајни за тоа како ослабела. Таа сподели пет работи кои и помогнаа. Некои жени едвај го чекаат својот 30-ти роденден додека некои го гледаат со презир. Но, пред две години, Стејси Блер не беше ни сигурна дали ќе го доживее својот 30-ти роденден.

Таа тежела 160 килограми и имала само 28 години. Со години имала нездрав однос со храната поради што понекогаш се прејадувала, а понекогаш се трудела да не јаде ништо – резултатите биле страшни. Но, во септември 2017 година, таа го имаше својот „аха момент“. „Едно утро, додека се подготвував за некој настан на работа, се погледнав во огледало и се зачудив од тоа што го видов“, вели Стејси, „Здравјето ми се влошуваше и беше болно да се движам.

Имав 28 години и земав лекови за висок крвен притисок, астмата ми се влошуваше и ми беше физички болно да одам, па дури и да стојам само 5 минути“. Не само што решила да промени нешто тој ден, туку и успеала во тоа. Наполнила 30 години и добила нова перспектива за животот откако ослабела 100 килограми. Сега таа инспирира многу други да продолжат да живеат здрав живот како неа.

Таа сподели 5 работи кои и помогнаа во таа драстична промена:
Наоѓање на вашето „зошто“ Со години мотивација за слабеење и бил изгледот. Но, откако искрено се погледна во огледало, нејзината мотивација се промени. Потоа ја сменив мојата желба од желба да ослабам за да бидам слаба и убава во желба да ослабам затоа што не сакам да умрам“.

Дневник за храна
Стејси го започна своето патување со следење на нејзините калории на апликацијата MyFitnessPal. Ова и помогна подобро да разбере кои големини на порции се соодветни за неа и што треба и што не треба да јаде.

Мала промена
Наместо да го шокира своето тело со големи промени, Стејси решила да изгуби 25 килограми пред да почне да вежба. До таа цел успеала да дојде преку исхраната, всушност, вели дека најмногу и помогнало менувањето на прехранбените навики. Но, откако се повредила кога почнала да вежба, се одлучила за лесни вежби како што се шетање со кучето и планинарење најмалку 30 минути дневно.

Подготовка на оброк
Стејси знаела дека претходно подготвената здрава храна ќе и помогне да не посегне по нездрави опции. Таа развила навика да подготвува ручек и вечера пред почетокот на секоја недела. Тоа беше главно лосос и пилешко со свеж зеленчук.

Кетогена диета
Стејси ја истражувала диетата со малку јаглехидрати пред да одлучи да ја проба. Таа го користела калкулаторот за да ги следи јаглехидратите, мастите и протеините и вели дека тоа и помогнало да се чувствува позадоволно и поситно во текот на денот. Но, додава таа, тоа не е некоја чудесна диета и не е за секого. Најважно е да спречите зголемување на телесната тежина откако ќе го изгубите.

„Сакам другите жени да знаат дека нема повратна точка, дека не постои нешто преголемо или премногу старо кога станува збор за губење на тежината; никогаш не е доцна да си го вратиш здравјето. Бидете трпеливи со себе. На крајот на денот, кога сè е кажано и направено, не се работи за килограмите што ќе ги изгубите, туку за животот што го добивате“.