Индикатор на кој треба да внимавате: Вашата КРВНА ГРУПА можи да покажи на кои болести сте подложни

Крвните групи се наследни карактеристики, кои се разликуваат во антигени на површината на еритроцитите. Тие често се поврзуваат со различни психолошки профили на личноста и посакуваниот начин на исхрана. Покрај тоа, постои верување на научниците дека одредени крвни групи се поподложни на одредени болести. Ако оваа изјава се покаже како целосно точна, во голема мера ќе биде добар показател за здравите луѓе да обрнат внимание.

Спроведени се мали истражувања кои дадоа одредени резултати. Сепак, се уште не е организирано опсежна студија, па се уште не може да се донесат јасни и стопроцентни заклучоци, а научниците нагласуваат дека сите истражувања за поврзаноста на крвните групи и болестите се базираат на мал, ограничен примерок.

Крвните групи А и Б
Претходните истражувања покажуваат дека крвните групи А и Б се изложени на поголем ризик од одредени видови на рак. Исто така, се чини дека луѓето со крвна група А имаат поголема веројатност да добијат рак на желудникот, додека крвната група А и Б, барем според претходните истражувања, се поподложни на рак на панкреасот. Докажано е и дека во стресни ситуации крвната група А лачи повеќе кортизол, што ги отежнува овие луѓе да ги поднесуваат таквите ситуации. Исто така, постојат тврдења дека дијабетесот тип 2 е почест кај овие две крвни групи отколку кај другите. Покрај тоа, овие две крвни групи се чини дека се повеќе склони кон венска тромбоза.

Крвна група АБ
Една мала студија ги разгледа луѓето со проблеми со меморијата со испитување на нивната крвна група. Повеќе проблеми со когнитивните способности се забележани кај луѓето со крвна група АБ. Забележано е и дека луѓето со крвна група АБ се повеќе склони кон згрутчување на крвта, а со тоа и мозочен удар. Исто така, се покажа дека крвната група АБ е почувствителна на венска тромбоза, но и на одредени видови на рак.

За крвната група О
Некои истражувања сугерираат дека луѓето со крвна група О се поотпорни на срцеви заболувања. Не е целосно познато зошто е тоа така, но се претпоставува дека тоа се некои специфични протеини кои влијаат на згрутчувањето на крвта. Некои студии покажуваат дека крвната група О е поотпорна на тропска маларија. Сепак, и оваа крвна група не е имуна на се. Крвната група, се чини, може да влијае и на плодноста. Една студија покажа дека жените со крвна група О имаат помалку здрави јајца од жените со претходните три крвни групи.