Се гледал со девојка 4 години, кога таа го откачила ја тужел на суд: Бара пари поради душевна траума

Сингапурецот К Кавшиган, директор на компанијата за дронови „Д1 Рејсинг“, ја тужел жената со која се гледал затоа што одбила да му биде девојка.

По четири години заедно тој бара 2 милиони долари како обештетување, како што изјави, поради душевна траума. Како што пишува Дејли Мејл, тој решил да оди на суд кога таа му рекла дека го гледа само како пријател, и дека го „прекршила договорот“ за да ја подобри нивната врска.

Кавшиган поднесе две тужби против Нора Тан Шу Меи откако таа го одби, тврдејќи во тужбите дека тоа му наштетило на неговиот „висок углед“ и дека поради тоа изгубил најмалку пет деловни можности.

Name, frame & shame: "K Kawshigan (pictured), a director at drone company D1 Racing, filed two lawsuits against Nora Tan Shu Mei after she rejected him, alleging her actions damaged his 'stellar reputation' and caused him to lose at least five business partnerships" https://t.co/IBxWrQHdWV pic.twitter.com/tWTGvb9Msq

— Kyra Alexandria 💋 (@KyraAlexandria) February 2, 2023

Меи поднела противтужба барајќи пари за кои рече дека ги потрошила за обезбедување на својот дом од Кавшиган и за терапија. Таа изјавила дека во куќата морала да постави сензори, „паметно ѕвонче“ и други дигитални помагала за да се заштити од него, а побарала и околу 1.000 евра за покривање на трошоците за опремата и идните терапии.

Сепак, судот го отфрли случајот, објавувајќи дека станува збор за злоупотреба на судскиот процес и дека тоа е обид на Кавшиган да ја уценува Меи.

Според извештаите, парот се запознал во 2016 година и станале пријатели, а двајцата наводно се членови на Ротари клубот.

Како што пишува Дејли Мејл, Меи постојано нагласувала дека го гледа само како пријател, а подоцна сакала да ја намали комуникацијата со него, што Кавшиган не можел да го прифати.