Сопственичката не сакала да се исели од куќата, сега мостот ја обиколува (ФОТО/ВИДЕО)

Во градот Гуангжу во Кина, изграден е мост на автопат. Особеноста на овој мост, но и на автопатот е што оваа зграда треба да заобиколи една мала куќа, чиј сопственик десет години одбива да го продаде на властите. Сопственичката на куќата едноставно не сакала никаков надомест, кога државата и понудила пари за уривање на објектот поради изградбата на патот.

Резултатот е уникатен мост кој градителите морале да го прилагодат на околностите. Снимката објавена од локалните медиуми покажува куќа помеѓу двете крила на новоотворениот мост во провинцијата Гуангдонг. Куќата е приземје и е со површина од околу 40 метри квадратни. Сопственичката на Лианг рече дека не се согласува да се пресели, бидејќи властите не и понудиле соодветен имот на соодветна локација. Таа додаде дека сега лесно се справува со последиците од таквата одлука и дека не и пречи што мислат другите за неа и нејзините постапки.

„Иако мислите дека оваа нова средина е лоша, чувствувам дека е тивка, ослободувачка, пријатна“, рече г-ѓа Лианг. Локалните медиуми јавуваат дека таа побарала од владата да и даде четири стана, но имало само два на понуда. Според други извори, Лианг тврди дека владата и понудила имот до мртовечницата во замена за куќа која би била урната поради автопатот, а таа одбила.

Сега оваа куќа стана сензација на социјалните мрежи. Г-ѓа Лианг, сепак, не е изолиран случај, таа е една од вкупно 47 сопственици на куќи и седум компании кои одбија да се преселат. Надлежните тврдат дека и понудиле бројни имоти кои се со иста вредност како нејзината куќа, како и паричен надоместок, но таа ги одбила сите по ред.

Бидејќи мостот на крајот мораше да биде изграден, властите и инвеститорите рекоа дека „се земени предвид сите безбедносни аспекти“ при планирањето на овој необичен проект, истакнувајќи дека тие „остануваат во комуникација со г-ѓа Лианг“.