Таа има 33 години и многу деца – Поминала околу 98 месеци како бремена, а за 12 од нив троши речиси 11 000 денари само за млеко
Бритни Чрч (33) од САД имала 16 години кога го родила своето прво дете. До 19-годишна возраст таа роди уште три. Таа минатата година го роди своето последно дете, 12-то. Таа вели дека последните 17 години од нејзиниот живот се вртеле најмногу околу бременоста и бебињата.
Мислам дека завршив со тоа, иако мојот сопруг Крис би бил среќен кога би имале уште едно дете – рекла таа.
Бритни има шест постари деца од две претходни врски: Крисман (17), Џордан (16), Кејбл (14), Џејк (13), Кендис (12) и Џесалин (10). Таа одгледа шест деца како самохрана мајка три години пред да го запознае Крис на работа во 2014 година. Нивни заеднички деца се седумгодишниот Силас, петгодишниот Кристофер Јуниор, тригодишните тројки – Оливер, Ашер и Ејбл и 11-месечниот Ровин.
За да биде поедноставно, оваа мајка денес има седум момчиња и пет девојчиња, а бремена поминала приближно 98 месеци. Сите деца ги родила природно, освен тројките кои се родиле со царски рез. Бритни го документира семејниот живот и објавите на TikTok под @ourlargefamilylife. Тој има над 1,8 милиони следбеници.
Луѓето се фасцинирани од многудетните семејства, а во многу клипови одговарам на нивните прашања, од каков автомобил имаме до колку трошиме на намирници – вели таа. Имаат голема куќа со пет спални соби, Форд Транзит со 15 седишта, а Крис направи дури и огромна маса на која може да седат сите.
Децата пијат речиси 8 литри млеко дневно, што ги чини околу 11.000 денари месечно, а има и огромни трошоци поврзани со друга храна и потреби. Вели дека добива и негативни коментари бидејќи има голем број деца.
Многумина претпоставуваат дека сме на социјална помош, но не сме. Добиваме многу прашања како: ‘Дали сме религиозни? Сакам големо семејство и најсреќна сум кога сме сите заедно – додала таа.
@ourlargefamilylife Isp by @thismadmama #largefamily #ourlargefamilylife #momtok #teenmom ♬ SUMMER LOVE LETTERS – Luki
